العنوسة وتاخر سن الزواج ؟

وانا هبدا انشاء الله واقول راى
:انا شايفة ان سبب العنوسة هو
الغلاء الشديد
و البطالة المنتشرة حاليا بين فئآت الشباب الذين في سن قابل للزواج .
هي عدم التعارف الكافي بين الأسر بحيث ان فى بعض الاسر الغير اجتماعية وبالتالى فان محدش يعرفهم وبالرغم من انهم بيكونوا ناس كويسين جدا والبنت متكونشى فيها عيب فانها
تتاخرفى الزواج ده ان ما اتجوزتش اصلا
واهلها يقولوا انها تقعد فى البيت لحد ما يجى رزقها طب هايجى ازاى وهى متعرفش حد ولا حد يعرفها ؟
وكمان معظم البنات الى بتتجوز اليومين دول بتكون مظبته مع واحد وماشية معاه اما البنت المحترمة الى ملهاش فى الكلام ده هى الى بقت مركونة على الرف

التكاليف المرتفعة للزواج
الخوف من الفشل في الزواج أو التشاؤم من الرجال وأن فيهم القسوة والشدة وعدم الرحمة وخصوصا بعد ما ارتفعت نسبة المطلقين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
علاج العنوسة
الدعاء والصبر والاعتماد على الله لان ربنا مبينساش حد وطالما ان كانت البنت كويسة فان مفيش حاجة تعيبها ومحدش يقدر يقول عنها اى كلمه
وان الاسر المغلقه دى لازم تنفتح شوية لان الانغلاق ده مش نافع ولازم يكون ليهم علاقات بالناس اكتر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا شايفى ان سن العنوسة هو 30 سنة للبنت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بس على كده ان عقبال لما اكبر هيكون الجواز انقرض ومفيش حاجة اسمها جواز
وهقعد جمب ماما فى البيت
يلا انشا الله ما حد حوش

انا من راى ان العنوسة دى سببها حاجات كتير اول حاجة صعب نلاقى شاب محترم ومتدين وعارف ربنا وبعدين كمان فى بنات كتير مش كويسة وبعدين دة نصيب وربنا كتبه

فعلا بس برده فيه شباب كويسين بس ظروفهم وحشة فطبعا صعب انهم يتجوزوا
وكل ده قسمه ونصيب ومقدره ربنا ويمكن يكون خير للبنت بدل ما تتجوز انسان مش كويس يقرفها فى عشتها وكانت قعدتها فى البيت احسن
والى ربنا عايزة هيكون

عندك حق بس دة بيخلى الولاد يستهترو ومش يدورو على شغل وبعدين هيتجوزو ازاى من غير شغل

لو كل وحد شاف مصلحته من البداية وعمل الى عليه بربنا كان هيوفقه ويرزقة بشغلانه حلوة على قد تعبه

السلام عليكم
انا شايفة زى فاطمة برده ان ده كله ربنا كاتبه وكل شئ قسمة ونصيب
بس برده الاسباب كتير اوى اوى منها
ان صعب جدا شاب فى سن الجواز انه يقدر على المصاريف بتاعة دلوقتى
وخصوصا ان كل بنت بتقارن نفسها باصحابها
يعنى ديه جابت كذا وديه كذا وانا لازم اكون احسن منهم والكلام ده كله
وكمان لو حد قدر انه يجيب الشقة والحاجة اللازمة من مساعده والده مثلا
او بنفسه وفضل كتير اوى عشان يقدر يعمل كدة
بس فى الاخر مش بيقدر يكمل مع مصاريف المدارس وغيرها وغيرها
وكمان ده لو كان لقى شغل اصلا .....يعنى فى كتير اووووووى مش لاقيين فرص شغل خالص
وكمان زى ما منة قالت مشكلة جامدة جدا بتقابل البنات اللى معارفهم مش كتير
وده طبعا مش ذنبهم بس محدش دلوقتى بيدور على حد بالطريقة ديه
يعنى فعلا كل الشباب عاوزين حد يمشوا معاه فى الشارع ويتكلموا معاه موبايل وميل وغيره
انما البنت اللى ملهاش فى الكلام ده صعب اوى تلاقى الشاب المناسب ليها
وانا راى ان مفيش سن معين للعنوسة
يعنى السن ده بيكون على حسب ما البنت حست بكدا
فى بنت بتحس بكدا وهى لسة 20وفى بنت لما تكون 30
وفى 40..............وفى بنت عمرها ما تحس بكدا ابدا
ده طبعا بيكون على حسب البنت وطبعها وعادات البيت عندها
ومرسى يا منة على الموضوع
موضوع مميز